अभिनेत्री रञ्जना शर्माले अमेरिकामा गरिन् विहे
अभिनेत्री रञ्जना शर्मा वैवाहिक बन्धनमा बाँधिएकी छन् । अमेरिका बस्दै आएकी शर्माले बुधबार प्रेमी निकेश सिलवालसँग कानूनी विवाह गरेकी हुन् ।
कुनै समय चलचित्र क्षेत्रमा सक्रिय अभिनेत्री शर्मा ११ वर्षदेखि अमेरिकामा बस्दै आएकी छिन् ।
अमेरिकामा व्यापार गरिरहेका सिलवालसँग प्रेम सम्बन्धमा रहेको जानकारी रञ्जनाले सामाजिक सञ्जालमार्फत् दिदै विवाहको तस्विर सार्वजनिक गरेकी थिइन् । उनको विवाहमा अमेरिकामा रहेका नेपाली कलाकारहरू पनि उपस्थित थिए ।
उनले नेपाली चलचित्र मौसम, मर्यादा, बदमास, तिमी मेरी हौ, कन्यादान तथा वीरताको चिनो लगायतका एक दर्जन भन्दा बढी फिल्ममा अभिनय गरिसकेकी छिन् । उनले म्यूजिक भिडियोबाट आफ्नो कलाकारिताको सुरुवात गरेकी थिइन् । अहिले उनको कलायात्रामा ब्रेक लागेको छ ।
तस्विरः रञ्जना शर्माको फेसबुकबाट
