आज दिउँसो यी प्रदेशमा वर्षाको सम्भावना
काठमाडौंको आकाश तुवाँलोले ढाक्दा बिहान र साँझ घाम लाग्न छाडेका बेला बुधबार बिहान क्षणिक वर्षा भएको छ । केही दिनयता काठमाडौंमा प्रदूषण पनि ह्वात्तै बढेको छ । तर बिहान वर्षा हुँदा राहत महसुस गरिएको छ ।
मौसम पूर्वानुमान महाशाखाका अनुसार भारतको बिहार आसपास रहेको न्यून चापीय प्रणाली र स्थानीय वायुको प्रभाव नेपालमा रहेको छ ।
दिउँसो प्रदेश १, मधेस, बाग्मती र गण्डकीका केही स्थानमा मेघगर्जन र चट्याङसहित हल्का वा क्षणिक वर्षाको सम्भावना रहेको महाशाखाले जनाएको छ ।
राति प्रदेश १, बाग्मती र गण्डकीका पहाडी भू-भागका एक वा दुई स्थानमा मेघगर्जन र चट्याङसहित हल्का वर्षाको सम्भावना छ ।
बिहीबार प्रदेश १, मधेस, बाग्मती र गण्डकीका पहाडी भू-भागमा आंशिकदेखि सामान्य बदली रहने आकलन गरिएको छ । ती प्रदेशका पहाडी भू-भागका थोरै स्थानमा वर्षाको सम्भावना छ ।
यो पनि…
देशभर वायु प्रदूषण, घरबाहिर ननिस्कन चेतावनी
यसकारण बढ्दै छ विश्वमा वायु प्रदूषण
वायु प्रदूषणको असर सर्जिकल मास्कले रोक्दैन
