त्रिकोणात्मक श्रृंखला : खराब ब्याटिङको निरन्तरता
स्वदेश फर्किदै क्रिकेट टोली
आईसीसी क्रिकेट विश्वकप लिग–२ अन्तर्गत त्रिकोणात्मक शृंखला खेलेर नेपाली क्रिकेट टिम आज (बुधबार) स्वदेश फर्कंदै छ । नेपाल क्रिकेट संघ (क्यान)ले नेपाली टिम साँझ ७ बजे त्रिभुवन अन्तर्राष्ट्रिय विमानस्थलमा अवतरण हुने जानकारी गराएको छ ।
नेपाली टिमले संयुक्त अरब इमिरेट्स (यूएई)मा चार अन्तर्राष्ट्रिय खेल खेलेर स्वदेश फर्कन लागेको हो । शृंखलामा नेपालले चार खेल खेल्दा दुईमा हार बेहोरेको थियो भने दुईमा जित निकालेको हो ।
नेपालले पहिलो खेलमा पपुवा न्युगिनी (पीएनजी)लाई दुई विकेट तथा अन्तिम खेलमा सात विकेटले पराजित गरेको थियो । नेपाल घरेलु टोली यूएईसँग भने दुवै खेलमा हार बेहोर्याे । पहिलो खेलमा ४८ रनले पराजित नेपाल दोस्रो खेलमा ९९ रनले पराजित भएको थियो ।
लिग-२ मा नेपालले १२ खेल खेलेको छ । जसमा ६ खेलमा जित निकाल्दै १२ अंक सहित छैटाैं स्थानमा छ । सात टिम सहभागी तालिकामा ओमान २८ खेलबाट ३६ अंकसहित शीर्षस्थानमा छ ।
नेपाली टिमले संयुक्त अरब इमिरेट्स (यूएई)मा चार अन्तर्राष्ट्रिय खेल खेलेर स्वदेश फर्कन लागेको हो । शृंखलामा नेपालले चार खेल खेल्दा दुईमा हार बेहोरेको थियो भने दुईमा जित निकालेको हो ।
नेपालले पहिलो खेलमा पपुवा न्युगिनी (पीएनजी)लाई दुई विकेट तथा अन्तिम खेलमा सात विकेटले पराजित गरेको थियो । नेपाल घरेलु टोली यूएईसँग भने दुवै खेलमा हार बेहोर्याे ।
लिग-२ मा नेपालले १२ खेल खेलेको छ । जसमा ६ खेलमा जित निकाल्दै १२ अंक सहित छैटाैं स्थानमा छ । सात टिम सहभागी तालिकामा ओमान २८ खेलबाट ३६ अंकसहित शीर्षस्थानमा छ ।
बिर्सनलायक त्रिकोणात्मक ओडीआई श्रृंखला
यसै साता नेपाली क्रिकेट टोलीले संयुक्त अरब इमिरेट्स (यूएई)मा आयोजना भएको आईसीसी पुरुष क्रिकेट विश्वकप लिग–२ अन्तर्गत त्रिकोणात्मक ओडीआई श्रृंखला खेल्यो । आयोजक यूएईसँगै नेपाल र पपुवा न्युगिनी (पीएनजी) सहभागी लिगमा नेपालले दुई खेल जित्दा दुईमै हार व्यहाेर्याे ।
नेपालले पीएनजीविरुद्ध दुवै खेलमा जित निकाल्यो भने युएईविरुद्ध हार व्यहाेर्याे । दुवै खेलमा नेपाल खराब ब्याटिङको सिकार भयो । खेलाडीले धैर्यता गुमाउँदा टिमले ठूलो साझेदारी पाउन सकेन र यो श्रृंखला समग्रमा बिर्सनलायक नै रह्यो ।
पहिलो खेलमा नेपालले पीएनजीलाई संघर्षपूर्ण खेलमा चार बल बाँकी रहँदा दुई विकेटको हरायो । जितका लागि २०४ रनको लक्ष्य पाएको नेपालले ४९ ओभर दुई बलमा आठ विकेट भेट्याएर पूरा गर्याे ।
दोस्रो खेलमा नेपाल यूएईसँगै ४८ रनले पराजित भयो । नेपाली बलरसामु चल्न नसक्दा यूएईले १६८ रनको मात्र लक्ष्य प्रस्तुत गर्याे । तर, नेपालका खेलाडीले धैर्यता गुमाउँदा ३५ ओभर एक बलमा मात्र १ सय २० रन बनाउँदा सबै विकेट गुमायो । रोहित पौडेलले सर्वाधिक ४६ रन बनाउँदा आरिफ शेख र कमल सिंह ऐरी शून्यमा पेभिलियन फर्किए ।
तेस्रो खेलमा समेत नेपाल पुनः घरेलु टोली यूएईसँग ९९ रनले पराजित भयो । २०२ रनको लक्ष्य पछ्याएको नेपाल कुनै पनि समय खेलमा आफ्नो प्रभाव जमाउन सकेन । ३५ ओभर एक बलमा नेपालले सबै विकेट गुमाउनुअघि जम्मा १०३ रन जोड्यो ।
प्रशिक्षक र कप्तानको असन्तुष्टि
यस खेलको हारपछि भने प्रशिक्षक पुबुदु दासानायके र कप्तान सन्दीप छामिछानेले पूरा प्रदर्शनबाट असन्तुष्टि जनाउँदै टोलीमा ठूलो परिवर्तनको खाँचो भएको जनाए ।
श्रृंखलाको चौथो तथा अन्तिम खेलमा नेपालले पीएनजीलाई सात विकेटले पराजित गर्याे । १७३ रनको लक्ष्य पछ्याएको नेपाली टिमले ३७ ओभरमा जम्मा तीन विकेट गुमाई सो लक्ष्य पूरा गर्याे ।
यूएईविरुद्ध पराजित भएपछि नेपाली टोलीका कप्तान सन्दीपले खेलाडीले धैयर्ता राखेर नखेलेको र रन बनाउन आत्तिएको प्रतिक्रिया दिए ।
‘ब्याटिङमा हतारिरहेका छौं । रन बनाउन आत्तिरहेको छौंँ । धैर्यता राखेर खेल्नुपर्छ । मलाई लाग्छ दुई सय रन कुनै ठूलो लक्ष्य छैन ।’ २१ वर्षीय कप्तान सन्दीपले भने ।
यता, प्रशिक्षक पुबुदुसमेत पहिलोपटक हेरेको टिम र अहिलेको टिमको प्रदर्शनमा धेरै फरक भएको र केही परिवर्तनको खाँचो भएको जनाउँछन् । ‘पहिलेको टिमको प्रदर्शन र अहिलेको टिमको प्रदर्शन एकै छैन । धेरै फरक छ ।’ दोस्रोपटक नेपाली टिम हेरिरहेका पुबुदुले भने ।
यसपटक श्रृंखलामा नेपालका ओपनरदेखि शीर्ष क्रमका ब्याटर नै चल्न सकेनन् । यस्तै, मध्यक्रमका ब्याटरले समेत टोलीलाई सहायता प्रदान गर्न सकेनन् । युवा खेलाडी कुशल भुर्तेल, आरिफ शेख, दीपेन्द्र सिंह ऐरी, रोहित पौडेल, ज्ञानेन्द्र मल्लजस्ता खेलाडी नचल्दा नेपाली टिमले खराब प्रदर्शन बेहोर्नुपर्याे ।
धैर्यताको कमी, गैरजिम्मेवारी ब्याटिङ, तालमेलको कमी, साझेदारीमा कमजोर, शीर्ष ब्याटर नचल्नु जस्ता गल्तीका कारण नेपाली टिमले यूएईविरुद्ध दुबै खेल हार्नुपर्याे ।
टिमको प्लानमा परिवर्तन
कप्तान सन्दीप टिमको प्लानमा धेरे चेन्ज गर्नुपर्ने र केही कुरा सार्वजनिक गर्नु पनि उपयुक्त नहुने बताउँछन् । यस्तै, उनी नयाँ श्रृंखलाका लागि टिमको ब्याटिङ लाइनमा परिवर्तन गर्नुपर्ने बताउँछन् ।
‘हामीले जानि जानि गल्ती गरेका छैनौँ । तर, भइरहेको छ । हामीले जति चाँडो यो समस्या ठीक गर्याैं र बुझ्न सक्यौं त्यति नै चाडो रिजल्ट निस्कन्छ ।’
‘सबैले राम्रो खेल्नुपर्छ र सबैले टिमको लागि सोच्नुपर्छ । टिमको बलिङ धेरै राम्रो छ । ब्याटिङमा धेरै परिवर्तन हुनुपर्छ । आउने श्रृंखलामा केही चेन्ज हुनुपर्छ ।’ सन्दीप भन्छन् ।
खराब प्रदर्शन बाबजुद नेपाली टिम आज (बुधबार) स्वदेश फर्कंदै छ । यसपछि, नेपालले घरेलु मैदानमा पीएनजीसँग एकदिवसीय शृंखला र त्रिदेशीय टी–२० शृंखला खेल्दै छ । जसको लागि प्रशिक्षक पुबुदुले टोलीमा केही परिवर्तनसमेत गरेका छन् ।
उनले केही नयाँ खेलाडीलाई स्थान दिँदै पूर्वकप्तान ज्ञानेन्द्र मल्ल र विकेट किपर विनोद भण्डारीलाई टिम बाहिर राखेका छन् । अब, पुबुदुको लक्ष्य फेरि एकपटक धर्मराएको नेपालको ब्याटिङ लयलाई फर्काउँदै घरेलु मैदानमा दुवै श्रृंखला जित्नु हुनेछ ।
यो पनि…
दोस्रो पटक विश्वकप खेल्नेमा विश्वस्त नेपाली क्रिकेट टिम
एकदिवसीय र टी-ट्वान्टीका लागि टिममा को–को परे ?
