२०३६ सम्म रुसको राष्ट्रपतिमा पुटिन नै रहनसक्ने

रुसका राष्ट्रपति भ्लादिमिर पुटिनले सोमवार २०३६ सम्म आफूलाई सत्तामा रहिराख्न मिल्ने कानूनमा हस्ताक्षर गरेका छन् । यसका साथै पुटिनलाई बाँकि दुई कार्यकालका लागि पदमा रहन सक्ने स्विकृती मिलेको छ । ६८ वर्षका पुटिन पछिल्लो दुई दशक यता रुसको सत्तामा छन् । सरकारको लीगल इन्फरमेशन पोर्टलमा जारी गरिएको सूचनानुसार हस्ताक्षरपछि उनी २०२४ मा वर्तमान कार्यकाल पूरा भएपछि पनि चुनावमा जान सक्नेछन् ।

७६ प्रतिशतले गरेका थिए समर्थन

गत वर्ष रुसमा संविधानका लागि लिइएको जनमत संग्रह अभियानमा ७६ प्रतिशतले यसमा समर्थन गरेका थिए । यो अभियान सात दिनसम्म चलेको थियो । कोरोनाका कारण पहिलो पटक भोटमा यति धेरै समय लागेको थियो । भोटिङ्ग अनलाइन भएको थियो ।

पुटिन पहिलो पटक २००० सालमा राष्ट्रपति बनेका थिए । उनको पछिल्लो कार्यकाल २००८ मा पूरा भएको थियो । त्यसपछि मेदवेदेव राष्ट्रपति भएका थिए र पुटिन प्रधानमन्त्री बनेका थिए । तर सरकारको सबै काम पुटिनको हातमा थियो । मेदवेदेव राष्ट्रपति बन्दा उनलाई ६ वर्षको कार्यकाल दिइएको थियो । त्यो भन्दा पहिला ४ वर्षको कार्यकाल हुन्थ्यो । २०१२ मा फेरि पुटिन राष्ट्रपति बने र मेदवेदेव प्रधानमन्त्री बने । त्यो बेला देशमा केही परिवर्तन देखिएको थियो । यसका साथै राष्ट्रपतिको रुपमा उनले आफूलाई मजबुत बनाए ।

उनको कार्यकाल २०२४ मा सकिँदै छ । यदि संविधान संसोधन नभएको भए पुटिन चुनावमा उत्रिन पाउँदैन थिए ।
उनले विदेशमा १५ वर्षसम्म जासूसी एजेन्सीमा काम गरेका थिए । जब रुसका पूर्व राष्ट्रपति बोरिस येल्तसिनले १९९९ अचानक राजीनामा दिए तब पुटिन देशको प्रधानमन्त्री थिए । त्यो समय चुनाव लम्बिएपछि उनलाई कार्यवाहक राष्ट्रपति बनाइएको थियो ।