घाँटीको कालो दागबाट छुटकारा पाउन टमाटर उपयुक्त

घाँटीमा हुने फोहोर निकै नराम्रो देखिन्छ । जसका कारण घाँटीको भाग कालो देखिन थाल्छ । घाँटीमा आउने पसिना राम्रोसँग सफा नगर्दा तहको रूपमा जम्मा हुन्छ । जुन एकदमै नराम्रो र कालो देखिन्छ । यस्तो अवस्थामा टमाटरको मद्दतले सफा गर्न सकिन्छ । जानौँ टमाटरले घाँटी सफा गर्ने तरिका ।

टमाटर र बेकिङ सोडाको प्याक

कालो घाँटीलाई चम्किलो बनाउनु छ भने बेकिंग सोडामा ताजा टमाटरको रस निकाल्नुहोस् र अलिकति पानी हालेर यसलाई तयार गर्नृुहोस् ।

यसमा एक चम्चा बेकिङ सोडामा दुई–तीन चम्चा टमाटरको रस मिसाई यो टमाटरको पेस्ट घाँटीमा लगाउनुहोस् ।

हप्तामा दुईदेखि तीनपटक सम्म निरन्तर यसलाई लगाउनुहोस् । लगाएको १० मिनेटपछि सफा पानीले धुने गर्नुहोस् । यसो गर्दा तपाईंको घाँटीको कालो दाग हटेर जान्छ ।

टमाटर र बेसारको प्याक

टमाटरको रसमा एक चिम्टी बेसार मिसाएर लगाउँदा घाँटीको कालो भाग सफा हुन्छ ।

यसका लागि टमाटर र बेसारको पेस्टलाई घाँटीमा लगाई मालिस गर्नुहोस् । लगाएको १० मिनेटसम्म यत्तिकै छाड्नुहोस । यो सुकेपछि पानीले सफा गर्नुहोस् । केही दिनको लगातार प्रयोगपछि तपाईंको घाँटीमा चमक आउनेछ ।

यो पनि…
कपाल छिटो बढाउने यस्ता छन् उपाय
दाग र चाउरीपन हटाउन पिठोको फेस प्याक