एमसीसीअनुमोदनका लागि अमेरिकाले पछिल्लोपटक दिएको समयसीमा सकिन ११ दिन मात्र बाँकी रहँदा यसको भविष्यबारे अझै अन्योल छ । विशेषगरी, सत्ता गठबन्धनका पाँच दल नै पाँचतिर लागेपछि एमसीसी संसदमा टेबल हुन सकेको छैन भने प्रधानमन्त्री शेरबहादुर देउवा निकै दबाबमा परेका छन् ।
१६ फागुनभित्र संसदबाट एमसीसी पारित नगरिए अन्तर्राष्ट्रियस्तरमा देशको छवि बिग्रन सक्ने, दातृ निकायबाट प्राप्त हुँदै आएको अनुदान–ऋणमा नेपाललाई हेर्ने नीति फेरिन सक्ने भन्दै देउवा दबाबमा परेका हुन् ।
तर, सत्ता गठबन्धनका माओवादी केन्द्र र एकीकृत समाजवादी हालको अवस्थामा एमसीसी पारित गर्नै नहुने पक्षमा छन् भने जनता समाजवादी पार्टीका दुई अध्यक्ष नै दुईतिर छन् । राष्ट्रिय जनमोर्चा त झन् सडक आन्दोलनमै आइसकेको छ ।
बुधबारको प्रतिनिधिसभा बैठकमा एमसीसी टेबल गर्ने तयारी सरकारको थियो । तर, माओवादी केन्द्रको अनुरोधका कारण अन्तिम समयमा आएर टर्यो ।
म धेरै व्याख्या नगरी भन्छु, कांग्रेसले जीवनभर राजनीति गर्यो, यही राजनीतिको निरन्तरतामा एमसीसीको परिणाम आउने हो । कांग्रेसले आदर्शको राजनीति गर्दा सत्ता रहला नरहला, तर आफ्नो राजनीतिमा रहनुपर्छ ।
कसको पोजिसन के ?
नेपाली कांग्रेस
सत्तासीन नेपाली कांग्रेस एमसीसीमा स्पष्ट छ । यसअघि, प्रतिपक्षमा छँदा पनि एमसीसीको पक्षमा रहेको कांग्रेसले यसअघिको प्रतिबद्धताअनुसार सम्झौता पारित गर्नुपर्ने अडान लिँदै आएको छ ।
हालै सम्पन्न कांग्रेस केन्द्रीय कार्यसम्पादन समितिको बैठकले पनि एमसीसी संसदमा टेबुल गर्नुपर्ने निर्णय गरिसकेको छ । कांग्रेस सभापतिसमेत रहेका प्रधानमन्त्री देउवाले बुधबार माओवादी केन्द्रका अध्यक्ष पुष्पकमल दाहाल ‘प्रचण्ड’सँग छलफल गरेका थिए । उनले कांग्रेस यो सम्झौताबाट ब्याक नहुने र आफूसँग अन्य विकल्प पनि रहेको बताइसकेका छन् ।
एमसीसी अस्वीकार गरेमा विश्व बैंक, अन्तर्राष्ट्रिय मुद्रा कोषलगायत दातृ निकायबाट प्राप्त हुने ऋण अनुदान पनि कटौती हुनसक्ने कांग्रेस नेताहरूको ठम्याइ छ । कांग्रेस नेताहरू पनि एमसीसीलाई चुनावी परिणामसँग हेर्न नहुने बताउँदै आएका छन् ।
गठबन्धनमा आबद्ध दलले गठबन्धन तोडेर जान्छन् भने जाऊन् तर कांग्रेस एक्लैले भए पनि एमसीसी सदनमा टेबल गर्छ ।
माओवादी केन्द्र
माओवादी केन्द्रका अध्यक्ष प्रचण्डले आफू अहिले चौतर्फी घेराबन्दीमा परेको बताउन थालेका छन् ।
माओवादीभित्र देव गुरुङ, नारायणकाजी श्रेष्ठ पक्षधरहरू एमसीसीको तीव्र विरोधमा छन् । अर्काे धार पनि त्यति आक्रामक छैन । तर, अहिलेको अवस्थामा एमसीसीको पक्षमा लागे आगामी निर्वाचनमा असर गर्ने माओवादी केन्द्रका नेताहरूको बुझाइ छ । त्यही भएर चुनावपछि मात्र एमसीसीबारे निर्णय लिइनुपर्ने मत माओवादीमा छ ।
प्रचण्डले बुधबार प्रधानमन्त्री देउवासँगको छलफलमा अहिले मोरल्ली एमसीसीको पक्षमा आफ्नो पार्टी उभिन नसक्ने र नैतिकताका आधारमा सरकारबाट बाहिरिने बताएका थिए । तर, देउवाले भने बरु विपक्षमा मतदान गर्न तर सरकारबाट नबाहिरिन आग्रह गरेका थिए ।
अघिल्ला, सभामुख कृष्णबहादुर महराले पनि एमसीसी अगाडि बढाउन साथ दिएका थिएनन् भने हालका सभामुख अग्नि सापकोटा पनि राष्ट्रिय सहमति चाहिने बताइरहेका छन् । सभामुखको आलोचना प्रमुख प्रतिपक्षी एमाले अध्यक्ष केपी ओलीले गर्ने गरेका छन् । सरकारले अगाडि बढाएका बिजनेस सभामुखले रोक्न नमिल्ने उनी सार्वजनिक कार्यक्रममै बताउँदै आएका छन् ।
माओवादी केन्द्रका जनवर्गीय संगठनले त बुधबार एमसीसीविरुद्ध आन्दोलन नै गरे । नेता नारायणकाजी श्रेष्ठ पनि सडकमा उत्रिएका थिए ।
माओवादीले एमसीसी सदनमा टेबल गर्न नदिए पनि भोलिपर्सी त आखिर टेबल गर्नु छँदैछ, यो जसरी पनि टेबल भएर छोड्छ ।
एकीकृत समाजवादी
नेकपा (एकीकृत समाजवादी) का प्रवक्ता जगन्नाथ खतिवडा संशोधनबिना एमसीसी पारित नै नहुने बताउँछन् । एमसीसीको सवालमा माओवादी केन्द्र र एकीकृत समाजवादीका लाइन मिल्न जान्छ । एकीकृत समाजवादीका जनवर्गीय संगठन पनि मंगलबार प्रदर्शनमा उत्रिएका थिए ।
तत्कालीन प्रधानमन्त्री केपी ओलीले एमसीसी अगाडि बढाउन खोज्दा पार्टीभित्र (नेकपा) बाटै विरोध भएको थियो ।
उक्त विरोधपछि पूर्वप्रधानमन्त्री झलनाथ खनालको नेतृत्वमा तत्कालीन परराष्ट्रमन्त्री प्रदीपकुमार ज्ञवाली, नेता भीम रावल सम्मिलित कार्यदल गठन गरेको थियो । जसमध्ये ज्ञवालीबाहेक अरू नेता एमसीसीको विपक्षमा छन् । रावल एमालेमा रहे पनि खनाल एकीकृत समाजवादीका वरिष्ठ नेता हुन् ।
‘पर्ख र हेरको नीति’ लिएको जसपामा पनि दुई लाइन छ । अध्यक्ष उपेन्द्र यादव माओवादी केन्द्र र एकीकृत समाजवादीको निर्णय कुरिरहेका छन् भने संघीय परिषद् अध्यक्ष बाबुराम भट्टराई एमसीसी पारित गर्नुपर्ने पक्षमा छन् । भट्टराईले बुधबार ट्विट गर्दै एमसीसीका पक्षधर र विरोधी एउटै सरकार र गठबन्धनमा बस्न नहुने बताइसकेका छन् ।
तर, अध्यक्ष यादव अहिले एमसीसीको पक्षमा उभिए निर्वाचनमा असर गर्न सक्ने भन्दै गठबन्धनका दलबाट पारित हुने निश्चित भएपछि मात्र निर्णय लिने पक्षमा छन् ।
सभामुख सापकोटाले मंगलबार बोलाएको कार्यव्यवस्था परामर्श समितिको बैठकमा प्रमुख प्रतिपक्षी एमाले मात्र होइन, जसपा पनि अनुपस्थित थियो । यादव जनकपुरमा छन् ।
एमसीसी अनुमोदनतर्फ लाग्दा सरकार ढल्छ कि, राजनीतिक स्वार्थका लागि जोडिएको गठबन्धन टुट्छ कि भनेर कांग्रेस डराउनु हुँदैन ।
जनमोर्चा
गठबन्धनमा रहे पनि सत्तामा नरहेको राष्ट्रिय जनमोर्चा शुरुदेखि नै एमसीसीको विपक्षमा छ । अध्यक्ष चित्रबहादुर केसी एमसीसी राष्ट्रघाती रहेको बताउँदै आएका छन् । एमसीसीको विरोधमा बुधबार कम्युनिस्ट पार्टीहरूले गरेको नेपाल बन्दमा जनमोर्चा पनि सहभागी थियो ।
एमसीसी जसरी पनि टेबल भएरै छोड्छ : वरिष्ठ नेता पौडेल
कांग्रेस नेता रामचन्द्र पौडेलले एमसीसी सम्झौतामा कम्युनिस्ट दलहरूको पनि सहभागिता रहेकाले धोका दिन नपाइने बताएका छन् । पौडेलले भने ‘माओवादीले एमसीसी सदनमा टेबल गर्न नदिए पनि भोलिपर्सी त आखिर टेबल गर्नु छँदैछ, यो जसरी पनि टेबल भएर छोड्छ ।’
कांग्रेस नेता मीनेन्द्र रिजालले कांग्रेस धेरै उग्रवामपन्थीजस्तो देखिन नमिल्ने बताए । उनले भने, ‘म धेरै व्याख्या नगरी भन्छु, कांग्रेसले जीवनभर राजनीति गर्यो, यही राजनीतिको निरन्तरतामा एमसीसीको परिणाम आउने हो । कांग्रेसले आदर्शको राजनीति गर्दा सत्ता रहला नरहला, तर आफ्नो राजनीतिमा रहनुपर्छ ।’
सह–महामन्त्री डिना उपाध्यायले पनि एमसीसी जसरी पनि सदनबाट टेबल हुने ठोकुवा गरिन् । उनले भनिन्, ‘गठबन्धनमा आबद्ध दलले गठबन्धन तोडेर जान्छन् भने जाऊन् तर कांग्रेस एक्लैले भए पनि एमसीसी सदनमा टेबल गर्छ ।’
राजनीतिक विश्लेषक लोकराज बराललले एमसीसीबारे कांग्रेसले छिट्टै निर्णय लिनुपर्ने बेला आएको बताए । उनले भने, ‘एमसीसी अनुमोदनतर्फ लाग्दा सरकार ढल्छ कि, राजनीतिक स्वार्थका लागि जोडिएको गठबन्धन टुट्छ कि भनेर कांग्रेस डराउनु हुँदैन ।’ अब हुने गठबन्धन तथा शीर्ष नेताको छलफलले पनि केही निष्कर्ष निकाल्न नसक्ने उनको भनाइ छ ।
अमेरिकाको ४७ औं राष्ट्रपतिमा रिपब्लिकन उम्मेदवार डोनाल्ड ट्रम्प फेरि निर्वाचित भएका छन् । ट्रम्पले डेमोक्र्याटिक्स पार्टीकी उम्मेदवार कमला ह्यारिसलाई पराजित
