अभिनेत्री रेखाले गरिन् बलरामसँग अदालती विवाह

आज भ्यालेन्टाइन डे अर्थात प्रणय दिवस । अझै भनौैं मायाको पर्व । प्रेमिल जोडीहरुका लागि विशेष दिन । आजकै दिन अभिनेत्री रेखा थापाको प्रेमसम्बन्ध विवाहमा परिणत भएको खुलासा भयो । उसो त उनलाई बधाईको ओइरो लागेको छ ।

अभिनेत्री थापाले केही साता अघि जाजरकोटका बलराम शाही ठकुरीसँग काठमाडौं जिल्ला अदालतमार्फत अदालती विवाह गरेको खुलेको छ । गुपचुप कोर्ट म्यारिज गरेकी थापाको प्रणय दिवसकै दिन शाहीसँगको तस्बिर एकाएक सामाजिक सञ्जालदेखि सञ्चारमाध्यमसम्म भाइरल बन्यो ।

तपाईंले जे सुन्नुभयो त्यही हो,’ रेखाले भनिन्, ‘अहिलेलाई शुभकामना दिनुस् अरु कुरा पछि गरौंला ।

मेरो लाइफस्टाइलसँगको कुराकानीमा थापाले आफूले विवाह गरेको तर, यहाँभन्दा बढी अहिले नबोल्ने बताइन् । ‘तपाईंले जे सुन्नुभयो त्यही हो,’ रेखाले भनिन्, ‘अहिलेलाई शुभकामना दिनुस् अरु कुरा पछि गरौंला ।’

स्थायी घर जाजरकोट भएपनि शाही अमेरिका बस्दै आएका छन् । उनी एक पर्यटन व्यावसायी रहेको स्रोतले जनाएको छ । थापा र शाहीबीच एकवर्षदेखि प्रेम रहेको खुलेको छ । उनीहरु वैशाखमा विवाह गर्ने योजनामा थिए । तर, वैशाखमा कुनै गतिलो साइत नजुरेपछि माघमै कोर्ट म्यारिज गरेको जनाइएको छ ।

हिम्मत, हिफाजत, किस्मत, अन्दाज, कसले चोर्यो मेरो मन, हिम्मतवाली, काली, दुर्गालगायतका हिट फिल्ममा अभिनय गरेकी थापा पछिल्लो समय राजनीतिमा सक्रिय छिन् । गत मंसिरमा भएको राष्ट्रिय प्रजातन्त्र पार्टीको महाधिवेशनमा महामन्त्रीमा पदमा उम्मेदवारी दिएर पराजित भएकी थिइन् ।

९ वर्ष अघि चलचित्र निर्माता छविराज ओझासँग सम्बन्ध विच्छेद गरेयता उनी एक्लै रहेकी थापा विवाह बन्धनमा बाँधिएकी हुन् ।

याे पनि…
चार वर्षअघिमात्रै प्रवेश गरेर यति धेरै मत पाउँदा प्रसन्न छु : रेखा थापा
रेखा थापा– पहिले गणतन्त्र अहिले राजतन्त्र