७४७ जनामा संक्रमित थपिँदा २,३१९ जना निको
नेपालमा थप ७ सय ४७ जनामा कोरोना संक्रमण पुष्टि भएको छ भने २ हजार ३ सय १९ जना संक्रमण मुक्त भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा ८ हजार ६ सय ९६ नमूना परीक्षण गर्दा सो संख्यामा संक्रमण पुष्टि भएको हो ।
थपिएका संक्रमितमध्ये सबैभन्दा बढी काठमाडौं उपत्यकामा रहेका छन् । जमसमा काठमाडौंमा १८१, भक्तपुरमा १५ र ललितपुरमा ३० संक्रमित थपिएका हुन् । यसैगरी, पछिल्लो २४ घन्टामा थप १० जना कोरोना सङ्क्रमितको मृत्यु भएको छ । यो सँगै नेपालमा कोरोना संक्रमणका कारण ज्यान गुमाउनेको संख्या ८ हजार ९ सय पुगेको छ ।
नेपालमा हाल २० हजार ७ सय ३९ सक्रिय संक्रमित रहेको मन्त्रालयले जनाएको छ । जसमा १९ हजार ९ सय ३० जना संक्रमित होम आइसोलेसन र ८ सय ९ जना संस्थागत आइसोलेसनमा रहेको मन्त्रालयले जनाएको छ । त्यस्तै, १ सय ७८ संक्रमितको आईसीयु र ३४ जनाको भेन्टिलेटरमा उपचार भइरहेको छ ।
यो पनि…
कत्तिको खतरनाक छ ओमिक्रोन ? यस्ता हुन्छन् लक्षण
काठमाडौंमा कोरोना बुस्टर डोज, कहाँ–कहाँ छ खोप केन्द्र ?
