संक्रमित घटे, निको हुने बढे
नेपालमा थप ८ हजार १७ जनामा कोरोना संक्रमण पुष्टि भएको छ भने ५ हजार २ सय ९२ जना संक्रमण मुक्त भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा २१ हजार ८ सय ८ नमूना परीक्षण गर्दा सो संख्यामा संक्रमण पुष्टि भएको हो ।
थपिएका संक्रमितमध्ये सबैभन्दा बढी काठमाडौं उपत्यकामा रहेका छन् । जमसमा काठमाडौंमा २ हजार ४ सय २, भक्तपुरमा २ सय २० र ललितपुरमा ५ सय २१ संक्रमित थपिएका हुन् । यसैगरी, पछिल्लो २४ घन्टामा थप १५ जना कोरोना सङ्क्रमितको मृत्यु भएको छ । यो सँगै नेपालमा कोरोना संक्रमणका कारण ज्यान गुमाउनेको संख्या ११ हजार ६ सय ८७ पुगेको छ ।
नेपालमा हाल ९० हजार ५ सय ७६ सक्रिय संक्रमित रहेको मन्त्रालयले जनाएको छ । जसमा ८८ हजार ६ सय ४२ जना संक्रमित होम आइसोलेसन र १ हजार ९ सय ३४ जना संस्थागत आइसोलेसनमा रहेको मन्त्रालयले जनाएको छ । त्यस्तै, २ सय ५७ संक्रमितको आईसीयु र ४९ जनाको भेन्टिलेटरमा उपचार भइरहेको छ ।
यो पनि…
कत्तिको खतरनाक छ ओमिक्रोन ? यस्ता हुन्छन् लक्षण
काठमाडौंमा कोरोना बुस्टर डोज, कहाँ–कहाँ छ खोप केन्द्र ?
