यस्ता आहारले गराउँछ तनावबाट मुक्त

मानिसहरू प्रायः तनावमा भएको देखिन्छन् । प्रायः विभिन्न कारणले तनावमा हुन्छन् । विज्ञहरूका अनुसार केही आनीबानी, व्यायाम योगा र खानपानमा सुधार गरेमा तनावबाट आफूलाई टाढा राख्न सकिन्छ ।

विकाससँगै हिजोआज मानिसहरू हतारहतार गरिरहेका देखिन्छन् । विज्ञहरूका अनुसार आज ९० प्रतिशत मानिस तनावजन्य रोगबाट पीडित छन् । जब हाम्रो दिमाग वा शरीरले कुनै चुनौतीको सामना गर्छ तब हाम्रो दिमागी प्रक्रियाले छिटो गति लिन्छ ।

यसका साथै रक्तचाप, मुटुको धड्कन र पल्स रेट बढ्ने, शरीरमा रगतको प्रवाह तीव्र हुन्छ । यो अवस्था लामो समयसम्म रह्यो भने शारीरिक तथा मानसिक समस्या आउन सक्छ ।

फाइबरयुक्त आहार

फाइबरयुक्त आहारहरू जस्तै, सम्पूर्ण अन्नले मस्तिष्कको न्युरोट्रान्समिटर सरोटोनिनको उत्पादनलाई बढाउँछ । यसले तपाईंको सोच्ने शक्तिलाई बढाउँछ र तनाव कम गर्न मद्दत गर्छ । आफ्नो आहारमा पर्याप्त तरकारीहरू समावेश गर्नुहोस् । हरियो, पहेँलो र सुन्तला रङ्गको तरकारीमा खनिज, भिटामिन र फाइटोकेमिकल्स पाइन्छ जसले प्रतिरक्षा प्रणालीलाई बलियो बनाउँछ, जसले गर्दा तनाव जस्ता समस्यासँग लड्न सकिन्छ ।

कार्बाेहाइड्रेटयुक्त आहार

आफ्नो आहारमा कार्बाेहाइड्रेट समावेश गर्नुहोस् । चामल, पास्ता, आलु, रोटी कम क्यालोरी कुकिज कार्बाेहाइड्रेट मुख्य हुन् ।

हर्बल चिया

हरियो चियाको नियमित सेवनले विभिन्न रोगलाई नियन्त्रण मात्र गर्दैन, रोग प्रतिरोधात्मक क्षमता पनि बढाउँछ । हरियो चियामा एमिनो एसिड हुन्छ जसले चिन्ता र तनाव कम गर्न मद्दत गर्छ ।

दूध

दैनिक एक गिलास दूध पिउँदा स्वास्थ तथा मस्तिष्कका लागि एकदमै फाइदाजनक हुन्छ । दूधले हड्डी, दिमाग र मुटुका लागि विशेष फाइदा गर्छ । दैनिक एक गिलास दूध पिउनाले शारीरिक र बौद्धिक स्तरमा पनि सुधार हुन्छ ।

फलफूल

सही खानपानले तनावबाट टाढा रहन सकिन्छ । यस्ता कुराहरूले हाम्रो शरीरलाई तनावसँग लड्ने शक्ति दिन्छ । सुन्तला, केरा, अनारलगायत यस्ता धेरै खाने कुराहरू छन् जसले हाम्रो दिमागलाई शक्ति दिन्छ ।

विज्ञहरूका अनुसार तनावको अवस्थामा फलफूल थोरै थोरै खानाले तनाव हटाउन मद्दत गर्छ । केरामा पाइने पोटासियम र म्यागे्रसियमले मानसिक कम गर्छ । यस्तै, सुन्तलामा पाइने भिटामिन ‘सी’ दिमागलाई चुस्त राख्न मद्दत गर्छ ।

यो पनि
यी हुन् नियमित च्यवनप्रास खानुका फाइदा
बिहान उठ्ने बित्तिकै भुलेर पनि नगर्नुहोस् यी काम