एकैदिन ३४८१ मा कोरोना, १८८५ जना निको

नेपालमा थप ३ हजार ४ सय ८१ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १६ हजार ६ सय ५६ वटा नमुना परीक्षण गरिएको मध्ये ३ हजार ४ सय ८१ जनामा संक्रमण पुष्टि भएको हो ।

यसैगरी, १ हजार ८ सय ८५ जना संक्रमणमुक्त भएका छन् । योसँगै नेपालमा संक्रमणमुक्त हुनेको संख्या ६ लाख ७५ हजार ८३ पुगेको छ । पछिल्लो २४ घण्टामा कोरोना संक्रमणबाट ३० जनाको मृत्यु भएको छ । हालसम्म कोरोना संक्रमणका कारण १ हजार १ सय ८० जनाले ज्यान गुमाएका छन् ।

देशभर ३८ हजार ३३ सक्रिय संक्रमित रहेका छन् । जसमध्ये, ७ सय ९६ जनाको आईसीयु र १ सय ८४ जनाको भेन्टिलेटरमा उपचार भइरहेको छ । ३ हजार २ सय २० जना संस्थागत आइसोलेसनमा छन् भने ३४ हजार ८ सय १३ होम आइसोलेसनमा छन् ।